Pastilan Pagka Reklamador!

Ginoo: Pastilan, uno kahay maajo, magpalansang ko ug utro sa krus?

Tagalog version on this link:  Hay Nako Napakareklamador!
Cebuano version on this link: Pastilan Pagkareklamador

Pastilan. Obserbasyon lamang no. Kahilig gajud nato ug reklamo.

1. Reklamo sa gobyerno kay kurakot, pero inig eleksyon magpapalit pud sa boto. Waya kunoy mapili. Pangutana, ngaman? Kay ang mga buutan, di man managan, kay di man pud butuhan sa mga tawo kay way kwarta. Unja kaning ubang tawo nga nawong ug kwarta, maoy una moreklamo! Asa man bawi-on aning mga politiko ang ila nagasto, abir? Ajaw na papalit, para kaning mga politiko, dili na kinahanglan mamawi sa nagasto. Ajaw reklamo, kay gi-ani ra nimo ang imo gitanom! Ayang ayang mu-ani kaw sin mangga kung nagtanom kay sin bayabas!

2. Reklamo mahal pamaliton pero bisan pagtanom na lamang sin kamatis sa masatira dili makahimo. Sus pastilan, bisan ba tangyad paliton pa sa merkado?

3. Reklamo baha. Aw naa may natural nga baha, pero naa poy binuhatan nato mismo. Sige man pataka panlabog basura ug pamutol sin kahoy! Di man kinahanglan naay muhakot ug basura ba, i segregate na, irecycle....mokita paka sa bildo, sa papel, sa plastic. Sus, sauna nga panahon, waya may tighakot, nganong limpyo man? Na hala padajun sa gibuhat kung gusto mulangoy sa baha.

4. Reklamo way trabaho. Aw naa man jud pagkuwang ang gobyerno, pero daghan man jud matrabaho ba kung gustuhon. Saon man mas gusto man tuyog tuyog na lamang, internet internet na lamang, inom inom na lamang. Sus, samot gasto, hinu-on nga makatabang. Pananum, bisan sa masatira na lamang, di ba, di naka kinahanglan mogasto pa ug palit sa uban lamas sa merkado. Dako ang kala-inan sa kugihan sa tapulan!

5. Reklamo mahal kuryente. Na ang uban ana wa natay mahimo, pero sa kaugalingon naa. Ajaw na usik usik sin kuryente. Na hinuon sige usik usik sin kuryente, sige way undang tv tanaw telenovela, way undang kuryente sige duwa sa computer... na hala, ajaw na undangi di ba taas ug samot imo kunsumo.

6. Reklamo sa programa sa Gobyerno. Waya na lamang gajoy makitang maajo. Pastilan, naa gani bag-o nga programa, hala da-uton dajun, di na lamang gajud makasuporta, waya pa gani makasabot sa tibuok ekplanasyon.

7. Reklamo sa igsoon, sa ijaan, sa inahan, sa amahan, kay dayo kuno. Sus Pastilan! Maghuyat ra diay sin allowance? Unja libakon pa! Kahajahay ba sa kinabuhi. Ang ijaan, inahan, amahan perte nang kayod sa gawas sa nasud, unja ang mga anak, pag umangkon ug kaparyentehan sige inom inom sa gipadaya. Di man tanan no, pero kasagaran amo gajud ini ang nahitabo. Na hala, magpadajun ta sa makalilimos nga mentalidad, waya gajud tay kaugmaon.

Mao ni, reklamo sa tanan, pero sa kaugalingon wayay gihimo! Na hala, kitay mag igo, magpadajun ta ani nga pamatasan, ambot kung asa ta ani puniton.

PS: Naay valid nga reklamo la-in kini sa puro ra reklamo.

by aats